Parque Clothing, o meu proxecto persoal
Unha marca de roupa que funciona como laboratorio creativo e punto de partida para iniciativas culturais e comunitarias.
O proxecto
Parque Clothing é o meu proxecto persoal: unha marca de roupa que naceu en 2022 como un lenzo en branco no que poder experimentar profesionalmente coa dirección de arte, o deseño e a comunicación visual.
A marca estivo en pausa durante un tempo, pero retomeina en 2024 cunha visión máis clara:
crear un espazo onde a roupa, a cultura e a creatividade convivan de forma natural.
Parque Clothing non é só unha marca de moda.
É un parque no sentido máis literal: un lugar ao que “baixo a xogar”, probar ideas, explorar estéticas, colaborar con xente nova e facer medrar proxectos que noutros contextos non tería a liberdade total que teño aquí.
Un espazo creativo que vai máis alá da roupa
Co tempo, Parque Clothing converteuse nun proxecto con ambicións culturais e artísticas.
A marca funciona como plataforma para:
- Apoiar artistas e músicos emerxentes
- Organizar eventos e accións culturais e benéficas
- Crear contido visual e narrativas propias
- Desenvolver proxectos paralelos con identidade propia
A roupa é só unha parte do proxecto: o importante é o ecosistema creativo que se constrúe arredor dela.
O proxecto matriz: a orixe doutras ramas
Parque Clothing é a base sobre a que naceron outros proxectos que hoxe teñen vida propia:
- Parque FC
Un equipo de fútbol real que funciona como extensión da marca, cunha identidade visual propia e unha comunidade arredor del.
- Tardeos no Parque
Eventos que combinan música, creatividade e encontro social, reforzando a dimensión cultural da marca.
- Accións, campañas e proxectos experimentais
Desde intervencións urbanas ata coleccións limitadas, pasando por contido audiovisual e colaboracións.
Todo nace aquí: no “Parque” onde deixo que as ideas collan forma.
O meu papel no proxecto
• Conceptualización e dirección creativa da marca
• Deseño gráfico e deseño textil
• Dirección de arte en campañas e coleccións
• Fotografía e vídeo
• Páxina web con tenda online e comunicación visual
• Coordinación de eventos e proxectos culturais
• Creación de identidade e narrativa de marca
A identidade visual
A estética de Parque Clothing baséase nunha linguaxe directa, contemporánea e flexible.
Tipografías elegante, cores sólidas, bordados, detalles gráficos e unha narrativa visual que combina moda, cultura e experimentación.
Cada colección, cada peza e cada proxecto funciona como unha oportunidade para explorar novas ideas e seguir construíndo o universo da marca.
O resultado
Parque Clothing consolidouse como o meu proxecto persoal máis divertido:
un espazo creativo que me permite crecer profesionalmente, probar ideas, colaborar con outras persoas e dar vida a proxectos que se expanden máis alá da moda.
É o punto de partida dun ecosistema que inclúe deporte, música, eventos, contido visual e identidade cultural.
Un proxecto vivo, en evolución constante, que segue medrando tempada tras tempada.
Podes ver máis sobre este proxecto en
